讀完數學精讀班了...忙完...好耐都冇打過xanga 其實唔係想打,我只係想一次過組織好先打... 頭先我坐係廳...好奇怪地,我老母問左我一個問題 佢問我:"你覺得你自己d性格似邊個?" 其實一個人既性格係自己個角度係好主觀... 我一方面覺得奇怪佢點解咁問,一方面問佢你覺得呢...? 佢話:"我覺得你d脾氣同你老豆好似,但係又有d小器" 佢話我脾氣似老豆係我意料中事,話我小器係意料之外..但我理解佢點解咁講 我知佢係想話我點解會咁憎我細妹,點解成日好似同我有仇咁... 的而且確我係好憎好憎佢,但我唔係由細到大都咁憎佢...只係近幾年先對佢有種講唔出既討厭 但佢根本唔知...我開始憎佢係因為...我媽從來都冇企係我角度諗... 點解我要鬧佢!?點解俾佢咁放肆!?點解俾佢無的放矢!?點解佢可以咁冇大冇細!? 可能我真係好小器....因為我覺得由細到大好多野對我都好唔公平.... 好簡單咁講,我細個既時候家教好嚴,試過食飯果時如果扭計我老豆見到差d連食飯台都反埋,又或者唔肯食飯實俾老母打.... 但係換轉而家...我試過係電話同老豆講,阿妹真係好難教,冇人可以話得佢掂 我老豆會點答我呀? "佢仲細丫嘛,仲未識諗" 聽到之後我冇俾到反應佢...之後我心諗,而家唔教幾時教? 7歲果時唔教,而家12歲都唔教?幾時先教?20歲先教?佢肯反省果時先教? 老豆去左外國做野,成日叫我教下個細妹...我唔識教,佢做錯咪鬧,反正好聲好氣話完佢到頭來 換來既說話咪係"仲細嘛,你做阿哥咪就下個細妹囉" 其實真係非常諷刺...佢地講既說話真係諷刺緊自己,有時我係度諗,除左苦笑之外我唔知俾咩反應 細個果陣就算明明冇做錯野,人地一句說話...話我曳佢地就信 但我老豆老母從來唔會企係我立場度諗我係咪真係有做過呢d事,唔會為我講一句公道既說話 我知老豆脾氣差,而且我同佢係陌生的兩父子,細個一年最多見3,4次... 我試過係度諗,細個一年見佢果幾次,我用而家既諗法代入左細個無知時期既我, 當時我老豆會唔會俾我當左只係一個叫爸爸既人呢? 唉...苦笑中... 佢同我聚少離多,唔知有咩出奇...? 但係連我老母都係咁...我非常無奈.... 試過細個同老母係街,佢買緊野...果個年代好興係抽卡機度抽數碼暴龍卡,拳皇卡... 我行左去抽卡...我老母買完野轉過頭見到我同一個一樣係年少無知既細路抽完卡... 對方問我可唔可以借俾佢睇頭先抽到咩卡... 我老母果刻見到既鏡頭係我係對方手中"搶左"對方d卡....之後塊面好似搽左黑鬼油咁黑... 問我做咩搶左人地d卡,我當時同佢講:"冇,d卡我既,你洗唔洗諗到自己個仔咁樣?連自己個仔都唔信?" 果次之後...我開始在意,我在意...原來身邊既親人從來都冇在乎過自己既感受,佢地根本就唔會體諒自己一直承受緊既野... 佢地都唔知自己係外面工作...而我住係阿麻度3年幾果時每一日係點生活... 我媽講過:"有一次落大雨,諗住你冇帶遮,放學拎把遮俾你,就見到你阿爺去接你同阿欣(堂妹)放學, 凈係帶一把遮,凈係遮阿欣同佢,又幫阿欣揹書包...你跟係佢地後面又冇遮,d雨淋到成隻濕水鴨仔咁" 當時我冇將呢件事放係心上,因為相對起住係阿麻度睇人面色過日子, 坐係度玩gameboy都俾我姑姐話痴線,食完飯俾阿爺響度發酒癲媽媽叉叉咁鬧既日子3年幾已經係沙漠中既一粒沙既事.... 呢d已經係之後既事...我岩岩去到住左一個月度未習慣,老豆岩岩返黎香港睇下我生活點... 又唔生性同咁老豆講唔想住係係果度,話阿爺佢地好衰,想搬呢d說話...差d俾老豆腳都打斷 佢地知我呢3年係點咩?呸!知個屁,邊個會係個心度話我仲細唔生性 我...只係做一個奸角,我永遠唔會苦口婆心去勸任何人... 我...唔喜歡做哥哥... 又廢話一大堆完了...
被迷被騙被愚弄 被纏被拾都傷痛
來來回回試過 浮浮沉沉怒過
進進退退回頭夢已空
蒼天將所有凡人作弄
蒼天將歡笑變作了傷痛
低泣於風雨中 失聲於風雨中
悲哭於風雨中
蒼天將一切隨時變動
蒼天將溫暖變作了冰凍
一分分的變空 一天天的變空
一生終於變空
| 
矮仔著c朗
